L-ewwel kazin twaqqaf fl-1870, f’numru 19 fi Sqaq San Guzepp, magenb il-knisja.  Erba’ snin wara fl-1874, gie mwaqqaf ufficcjalment bhala l-ewwel kazin socjali bl-isem ta’ Kazin San Guzepp.

Din is-socjeta’ rat tibdil kbir minn meta twaqqfet.  Wara xi zmien is-socjeta akkwistat post ferm addattat u akbar bhala kazin fil-pjazza tar-rahal.

Fl-1936, waqt zjara ufficcjali fir-rahal mill-gvernatur ta’ dak iz-zmien Sir Charles Bonham Carter, dan ipprezenta standard ta’ l-“Union Jack” lill-Kazin San Guzepp.

Dan il-kazin minn dejjem kellu benefatturi li kienu lesti li jaghtu jew jaghmlu xi haga li tibqa’ ghall-uzu jew ikordju tal-kazin.  Insibu li fost l-ohrajn fit-30 ta’ April ta’ l-1949 giet imbierka l-bandalora tas-socjeta’ li ggib l-emblema ta’ San Guzepp, kollha mahduma b’hajt tad-deheb u l-accessorji mportanti minn barra minn Malta u dawn huma tal-fidda.  Din giet imbierka mill-Kappillan Dun Guzepp Naudi u prezentata mill-Prim Ministru ta’ Dak iz-zmien, Sir Paul Boffa.  Gew ipprezentati wkoll erba’ standardi li kienu rregalati minn ammiraturi tas-Socjeta’.

Fl-1951 saret il-konsagrazzjoni tas-socjeta’ lill-Qalb Imqaddsa ta’ Gesu’ u dik ta’ Marija.  Fl-istess sena, fil-kazin gie milqugh Sir Gerald Creasy, Gvernatur u Kmandant ta’ Malta, waqt zjara ufficcjali fir-rahal taghna.

Fl-1970 kienet sena kerha ghall-kazin meta hames membri kienu tilfu hajjithom waqt li kienu qeghdin jahdmu l-loghob tan-nar ghall-festa ta’ dik is-sena.  Dan gara nhar il-Hadd, 15 ta’ Frar fis-12.45pm.  dak in-nhar Hal Ghaxaq kollu kien bkihom.

Fis-sena 1974 gie celebrat ic-centinarju tal-kazin fejn saru festi kbar u gew mistiedna nies prominenti ta’ pajjizna.  F’dan il-kazin maz-zminijiet saru hafna alterazzjonijiet biex is-soci u partitarji jkunu moqdija ahjar.  Wara xi zmien, minhabba li s-socjeta’ kibret hafna, il-Kumitat hass il-bzonn ta’ kazin iehor, u akbar u aktar modern ghall-bzonnijiet ta’ zminijiet tal-lum.  Fis-sena 1980, is-socjeta strat dar fuq in-naha ta’ wara tal-kazin, u fis-sena 1985 strat il-kumplament tal-kazin kollu minghand il-familja Borg, fl-istess sena beda l-bini gdid tal-Kazin San Guzepp.

Fis-sena 2000, is-sena tal-Millenju infetah ufficcjalment dan il-Palazz Kazin uniku ‘Il-Meravilja’.  Ghal din l-okkazzjoni storika u unika, saru festi kbar biex jibqa’ mfakkar dan l-avveniment hekk kbir.  Fost ic-celebrazzjonijiet li saru, kien sar programm muzikali ta’ livell gholi mill-Banda San Guzepp.

Illum il-gurnata, grazzi ghall-missirijietna ghadna nistghu ngawdu dan il-Kazin Meraviljuz propjeta’ ta’ l-Ghaqda Muzikali San Guzepp, li ghadu jizboq u jsebbah il-pjazza bl-iskultura u t-tisbih kollu tieghu.